Kandidati për kryeministër nga koalicioni PAN Ramush Haradinaj sot gjatë një konference për media ka thënë se seanca e thirrur për të enjten mund të shtyhet.

Lidhur me këtë arbresh.info ka tentuar të marrë një përgjigje nga deputeti i Nisma për Kosovën Milaim Zeka, por ai nuk kishte informacione pasi që ishte në pushim.

“Unë nuk kam informacion se seanca mund të shtyhet pasi që jam në pushim me familje dhe në momentin që më njoftojnë do ta komentoj”, ka thënë Zeka.

Kujtojmë se Zeka pas seancës së fundit ka thënë se nëse PAN-ni nuk e propozon kandidatin për kryeparlamentar deri të hënën vota e tij do të jetë kundër, mes tjerash ai ka thënë se edhe Nisma për Kosovën duhet të largohet nga PAN-i.

Më poshtë mund ta lexoni statusin e tij të plotë:

“Nëse PAN-i nuk sjelle emër deri te hënën, vota ime do jetë kundër

Çdo budallallëk , e ka një funde. Çdo konflikt , e ka një marrëveshje. Çdo bllokade, nje zgjidhje.
Kjo loja e VV/se, duke bojkotuar mbledhjet konsultative, duhet ta këtë një funde për PAN-in.
Nëse PAN-i, deri javën qe vjen, nuk do ta sjelle emrin e kandidatit pet kryetar te Parlamentit, unë si deputet i Kosovës, do te dale me këto propozime:
1. Nisma te largohet nga PAN

2. NISMA te propozoje kandidatin për Kryetar te Parlamentit, ne emër te PAN-it
3. Nëse asnjëra alternative, vota ime nuk shkon për PAN-in, dhe krejte këtë e beje për hire te votueseve te mi, dhe qe politiken e parlamentin, nuk i shoh si shtratin tim te fundit ne jetën time!!!” ka thënë Zeka